Nik oihu egin

eta oihartzuna isil-isilik.

Ahotsa kenduko digute baina

ez zentzurik.

 

Hazi pozoindu bat lurrean

landatu ondoren,

ez da hain erraza ingurua

kezko hesiz babesten.

 

Badakit non garen

errautsak dena estali arren,

oinutsen azalean

lurrak hitz egiten dit ozen.

 

Libreki arnastea

debekatu nahi dutenen

behelainoak ez ditu

egia guztiak ezkutatzen.

 

Hitzak soilik dituzte alde,

arrazoia zahar.

Diruaren distirak bihurtzen du

eulia ausart.

 

Bere burua ere pozointzen duen

landarea lehor,

baina nola edo hala bizirik

mantendu nahi dute hor.