Bakar-bakarrik hor doa,

eskutik helduta,

mende honetako maitalea.

 

Bere itzalak itsututa

ezin ikusi du

ondoan daramana.

 

Galdu ote dugu ba ematearen plazerra,

okertutako hura konpontzeko aukera,

apaingarrien beharrik ez duen maitasuna,

hustu beharrean beteko gaituena?

 

Bat-batean antzeman du

eraiki duela

estutzen duen kartzela.

 

Inoiz amestu bazuen

oasi eder bat,
hondarrak irentsi duela.

 

Galdu ote dugu ba ematearen plazerra,

okertutako hura konpontzeko aukera,

apaingarrien beharrik ez duen maitasuna,

hustu beharrean beteko gaituena?

 

Hain da ederra azal azpiko mundua,

hain urdina zure begietan zerua.

Hain da ederra isilpeko mundua,

zinez garenaren azken zantzua.